NG Kerk Randburg
Vakature:
Voltydse leraar
Sluitingsdatum:
11 Augustus 2023
Diensaanvaarding:
1 Januarie 2024
Gemeenteprofiel:
NG Kerk Randburg bied ‘n geestelike tuiste vir die stadsmens van die
21ste eeu, jonk en oud, gesinne en enkellopendes, afgetredenes en jong
werkendes.
Hierdie gemeente van God wil Sy kinders help groei in geloof, in liefde aan
mekaar behoort en mekaar en Sy
wêreld met seën dien. Dit is
dan ook die 3 pilare waarop ons gemeente gebou is.
NG Kerk Randburg is ‘n gemeente in die hartjie van Randburg met ‘n wye
bedieningsarea met ongeveer 488 belydende lidmate en 128
dooplidmate. Ons gemeente bied geleenthede vir lidmate om deur
die loop van die jaar aktief deel te neem aan verskeie aksies en
byeenkomste.
Leraarsprofiel:
Ons nooi gelegitimeerde leraars van die NG Kerk, wat te minste reeds 10
jaar in voltydse bediening is en verkieslik nie ouer as 50 nie, om
aansoek te doen om hierdie gemeente se leraar te word.
Pligte word
omskryf in Artikel 9 van die Kerkorde, met fokus op:
- ‘n Lewende, persoonlike verhouding met
God Drie-enig te hê en dit beskou as ‘n roeping om in Sy diens te staan.
- ’n Energieke persoon met ’n passie vir
God en sy mense, asook ’n mense-mens wat met alle generasies ’n
goeie verhouding kan bou en handhaaf, veral ten opsigte van besoeke by
huise of in hospitale.
- Entoesiasties en ervare is rondom die
kreatiewe gebruik van musiek, vernuwende tegnologie en sosiale media as
bedieningshulpmiddels.
- Goeie interpersoonlike vaardighede hê en
gemaklik in spanverband kan funksioneer.
- Moet verantwoordelikheid vir projekte
saam met diensgroepleiers kan neem asook inisiatief kan neem met nuwe
projekte en geestelike bedieningsgeleenthede.
Verhoudings is vir ons ‘n baie belangrike waarde in ons gemeente en
daarom wil ons graag hê dat die kandidaat goeie verhoudings sal bou en
handhaaf met alle generasies in ons gemeenskap.
Vergoeding:
Ons is dankbaar dat die gemeente in ’n gesonde finansiële posisie is om
’n vergoedingspakket gelykstaande aan die sinodale riglyne aan te bied.
As deel van die vergoedingspakket is ’n ruim pastorie beskikbaar. Ons
is ook bereid om na u spesifieke behoeftes te luister en daaroor te
onderhandel.
Aansoeke:
Help ons om u te leer ken deur ’n kreatiewe CV, van nie langer as drie
bladsye, te stuur na aansoeke.ngrburg@gmail.com.
Sluit asb die volgende in:
- Minstens 3 kontakbare referente
- ‘n Skakel na aanlyn eredienste
Daaropvolgende
proses: Van alle aansoekers sal verwag word om ‘n
toepaslike vraelys te voltooi wat aangestuur sal word en op die laatste
teen 14 Augustus 2023 terugestuur moet word.
Ons sal u CV
deeglik oorweeg en mag dan besluit om u te nooi vir ’n
onderhoud en dalk ’n preekbeurt.
Indien die Pre-advieskommissie nie binne twee weke na die
sluitingsdatum met u in kontak was met betrekking tot ’n onderhoud nie,
beskou u aansoek as onsuksesvol.
Die kerkraad behou die reg voor om nie ’n aanstelling uit die aansoeke
te maak nie.
Navrae:
Vir enige navrae, kontak die voorsitter van die Pre-advieskommissie,
Jancis van Biljon (082 549 2469) of deur ‘n e-pos te rig aan aansoeke.ngrburg@gmail.com.
|
