|
NG KERK RANT EN DAL PRISMA
VOLTYDSE MEDELERAARSPOS: GEMEENTE EN MISSIONAAL
Gemeenteprofiel:
Rant en Dal Prisma is ’n voorstedelike gemeente in Krugersdorp met
ongeveer 1 300 lidmate, wat bestaan uit 1 000 belydende en 300
dooplidmate. Die gemeente is dinamies, het ’n informele bedieningstyl
en het ’n sterk missionale ingesteldheid. Die gemeente het twee
leraarsposte, waarvan een tans vakant is.
Leraarsprofiel:
- Iemand wat lief is vir die Here en lief is vir
mense.
- Moet ’n gelegitimeerde predikant binne die NG
Kerk wees.
- Die geskikte kandidaat moet oor ten minste agt
jaar bedieningservaring beskik.
- Bewus van Rant en Dal Prisma se inklusiewe
kultuur, vind aanklank
daarby en is bereid om saam in ’n span te groei in hierdie kultuur.
- Dinamiese persoon wat leiding kan neem in ’n
gemeente.
- ’n Mobiliseerder – iemand wat lidmate tot aksie
kan oorhaal, kan bemagtig en bedieninge meer selfstandig kan maak.
- ’n “Change Agent” – iemand wat verandering (’n
nuwe manier van doen) binne die gemeente kan bevorder en ondersteun.
- ’n Innoveerder – iemand wat nuut en pro-aktief
oor sy/haar take dink.
- ’n Kommunikeerder – iemand wat die lidmate met
wie hy/sy werk “se taal praat”.
- ’n Organiseerder – iemand wat die “lyne”
bymekaar kan trek en hou.
- Sterk leierseienskappe en ’n gawe om met
vrywilligers en projekleiers van uitreikprojekte te werk.
- Die bediening kan laat groei (geestelike groei
en bediening uitbrei met meer mense).
- Die geskikte kandidaat moet goed in spanverband
kan saamwerk, energiek, reatief en vernuwend kan dink.
- Die persoon sal benewens die normale pligte
soos omskryf in Artikel 9
van die Kerkorde spesiaal fokus op gemeente- en missionale bediening.
Vergoeding:
- Onderhandelbaar volgens sinodale riglyne.
- Normale voordele en toelaes.
Aansoeke:
- Aansoeke moet vergesel word van ’n CV nie
langer as vier bladsye nie, ’n lys van referente, skakels na twee van
jou onlangse preke, asook ’n kort paragraaf oor waarom jy aansoek doen.
- Aansoeke kan gestuur word na admin@prismakerk.co.za en
moet die kerkkantoor bereik teen 21 Augustus 2023.
- Die geskikte kandidate sal genooi word vir ’n
onderhoud en moet bereid wees om twee preekgeleenthede waar te neem op
dieselfde dag (oggend en aand).
Navrae:
Aanstellingsdatum:
1 Januarie 2024
Die Bestuursraad van NG Gemeente Rant en Dal Prisma behou die reg voor
om geen aanstelling vanuit die aansoeke te maak nie
|
