|
NG SKUILKRANS (PRETORIA)
VAKATURE: MEDELERAAR
Die NG Gemeente Skuilkrans, ’n voorstedelike gemeente aan die oostekant
van Pretoria het ’n vakature vir ’n voltydse medeleraarspos waarvoor ’n
geordende NG Kerk leraar of proponent (man of dame) aansoek kan doen.
Ons missie is: “As leerlinge van Jesus Christus verwonder ons ons oor
God, sien ons mekaar raak en omhels ons almal in ons wêreld.” Ons
jaartema: “Vreemdelinge word vriende”, sê iets van wie ons gemeente is
en wil wees, naamlik ’n missionale gemeente wat deur al ons bedieninge
na die wêreld om ons wil uitreik, en wat mense wil help om vriende van
Jesus en van mekaar te word. Niemand word op grond van enige
klassifikasie uitgesluit nie. Die reënboog-metafoor simboliseer ons
visie om eenheid in verskeidenheid te soek en te vier.
Daarom soek ons iemand om ons te help om veral ons jonger lidmate
(tieners, studente en jong werkendes) en hul ouers te bedien en te
bemagtig om eienaarskap te aanvaar van ons gemeente se identiteit en
droom deur aanbidding, geloofsvorming, onderlinge versorging en
getuienis. Die persoon wat aansoek doen moet dus redelike ondervinding
in jeugbediening binne die konteks van gemeentebediening hê, om lidmate
met verskillende aanbiddingstyle en spiritualiteite te bedien en te
bemagtig om dissipels van Jesus te wees.
Leraars en proponente kan aansoek doen deur hul CV’s met die name en
kontakbesonderhede van drie referente te stuur aan dvk@skuilkrans.co.za
en moet
bereid te wees om ’n kort vraelys te voltooi wat by ontvangs van hul
CV’s aan hulle gestuur sal word. Persone moet ook bereid wees om te kom
vir ’n onderhoud en ’n preekbeurt indien dit verlang word.
Die sluitingsdatum vir aansoeke is 31
Julie 2023 en diensaanvaarding
(indien moontlik) is 1 Oktober 2023. Vir meer inligting kan die
voorsitter van die kerkraad of een van die leraars van ons gemeente
gekontak word. Besoek gerus ons webwerf: www.skuilkrans.co.za
Leraars: Ds
Nico Swart 083 678 8290.
Ds Willem Boshoff 082 890 2644.
Ds Yolande Giliomee 083 258 2562.
Voorsitter van die Kerkraad: Prof Piet Meiring 083 458 9008.
|
