|
NG Gemeente Pretoria Garsfontein
Vakature:
Bedryfsbestuurder
Vergoeding:
{BRUTO R28 000-00 pm of R360 000-00 pj} Onderhandelbaar plus 'n
dertiende tjek
Persoonlike
vereistes:
Die posbekleër moet oor die volgende beskik:
- Bewese bestuurs-, administratiewe,
koördinerings-
en rekenaargebruikservaring.
- 'n Hart vir die evangelie en die
eiesoortige aard
van die kerk.
- Die vermoë om op gelyke voet met leraars
te verkeer.
- Goeie kommunikasie vermoë en vaardigheid
om konflik
op'n volwasse en empatiese wyse te hanteer.
- Vermoë om eie inisiatief te gebruik,
selfbestuur
toe te pas en taakgedrewe die gemeentevisie na te volg.
- Visioenêr en strategies kan dink en idees
kan
genereer.
- Die vaardigheid om binne spanverband te
werk en
ook, waar nodig, leiding te gee.
- 'n Lidmaat van die Gemeente asook lid van
Gemeenteraad wees of word.
Pligte:
Fasiliteite en
batebestuur:
- Is saam met die Bate-instandhouding
bediening verantwoordelik vir die bestuur, instandhouding en
ontwikkeling van gemeente bates, met die oog daarop om ons gemeenskap
daardeur te bereik en te bedien.
- Opdatering van bateregister,
versekering- en instandhoudingsbegrotings, sowel as terugvoer op die
uitvoering van beplande instandhouding en die gebruik van die begroting.
- Weeklikse inspeksie van bates en
fasiliteite om skade, veiligheid en instandhouding te monitor.
- Bestuur die hulppersoneel om toe te
sien dat instandhouding gedoen word, tuine en fasiliteite weekliks
skoon gemaak word en alle veiligheids aspekte opgevolg word (ligte
vervang, teëls wat los is te vervang, ens).
- Verseker gebou en toerusting voldoen
aan alle gesondheids en veiligheidswetgewing soos benodig vir openbare
geboue.
- Bestuur en implementeer alle besluite
geneem deur die GR in verband met geboue en fasiliteite, insluitende
die saamstel van taakbeskrywings (omvang van werk), koste verkrygings,
en implementering van projekte soos geïdentifiseer.
- Hanteer die verhuring van eiendom van die
gemeente.
- Hanteer die oop- en toesluit van
Gemeentesentrum gedurende kantoorure en weeksaande.
- Behartig klankstelsel tydens dienste op
weeksdae.
Administratiewe
funksies en koördinering van bedieninge:
- Dien as skakel tussen die leraars en
gemeente en woon die weeklikse leraarsvergadering by.
- Koördineer en ondersteun die onderskeie
bedieninge, aksies en programme van die gemeente.
- Tree op as Skriba by die volgende
vergaderings: Gemeenteraad,
Dagbestuur, Diensverhoudingbediening, Fondsebediening en
Bate-instandhouding bediening.
- Woon vergaderings van die ander
bedieninge op uitnodiging by. Let asb. daarop dat vergaderings
hoofsaaklik na-ure geskied.
- Kan op versoek op ’n rotasie basis dien
as Skriba van die Ring van Pretoria Faerie-Glen.
Algemene
menslike hulpbronbestuur:
- Ondersteun en lei die personeel wat in
diens van die kerk is, ondermeer die Finansiële beampte,
Administratiewe beampte, Naweekkoster, Skoonmaker en Tuinhulp om te
verseker dat die kerkkantoor en daaglikse operasionele bedrywighede van
die gemeente optimaal funksioneer.
- Verantwoordelik vir die administratiewe
funksies rondom werwing, keuring en indiensneming.
- Verseker dat Gemeenteraadsbesluite wat
die kerkkantoor en gemeente raak, uitgevoer word en terugvoer aan die
Gemeenteraad verskaf word.
- Verantwoordelik vir alle aankope van
skoonmaakmiddels en gebruiksartikels vir instandhouding van die
gemeente se fasiliteite.
- Take en pligte soos vereis in die
Administrasie en Bestuursbeleid van die gemeente.
Strategiese
inisiatiewe:
- Genereer nuwe idees, neem deel aan
strategiese bestuursaktiwiteite en die implementering van die
strategiese plan.
Kwalifikasies
en ondervinding:
- Ervaring in 'n Menslike
Hulpbronbestuuromgewing of Gemeenteverband sal ʼn aanbeveling wees.
- Toepaslike Tersiêre kwalifikasie is 'n
aanbeveling.
Werksure:
Voldag
Navrae:
Rig asseblief u aansoek met CV aan die Voorsitter Gemeenteraad, NG
Gemeente, Pretoria-Garsfontein,
E-posadres: admin@nggars.org.za
+27 12 361 3618 - Kerkkantoor
Sluitingsdatum:
24 April 2023 om 13:00
|
