• Het  ʼn geografiese deursnee van 480 kilometer;
• Is ingedeel in drie wyke, met ‘n gesamentlike lidmaattal van ongeveer 318 volwasse en 212 dooplidmate;
• Die oorgrote meerderheid van lidmate leef in groot armoede en oorleef deur bestaansboerderye in ongenaakbare semi-woestyn omstandighede;
• Besit vyf kerkgeboue (eredienste word meesal deur kerkraadslede behartig);
• Bestaan uit ongeveer 95% Afrikaanssprekend lidmate, alhoewel eredienste op Tsabong hoofsaaklik in Engels aangebied word;
• Is die inisieerder en visiedraer van vier (4) Vroeë Kinderontwikkeling-speelgroepe (Struizendam, Bokspits, Vaalhoek en Rappelspan);
• Het ‘n gevestigde bediening onder voor- en laerskoolkinders uit die gemeenskap van Tsabong, ongeveer 130 in getal. Op Werda is daar ook ‘n groeiende jeugbediening.

Verantwoordelikhede:

• Om die DRCB Kgalagadi (Tsabong), in samewerking met die kerkraad, te lei in die vervulling van die gemeentelike missie:
• Om God te verheerlik deur:
  • luisterend en doelbewus sy wil in alles te soek;
  • sy Heerskap sigbaar te maak deur individueel en as gemeente sy wil te gehoorsaam;
  • sigbare onderlinge eenheid en liefdevolle verhoudings as van die aller grootste belang te beskou;
  • doelbewus ’n verskil te maak in ons konteks, gemeenskap en die wêreld;
  • leiers wat self navolgers van Christus is;
  • ons identiteit, as God se gestuurdes, al meer te verstaan en te leef.
• Die vervulling van alle leraarspligte.
• Die primêre fokus van die bediening sal op Tsabong gevestig wees.
• Minstens drie keer per jaar word die bediening van sakramente, hou van wykskerkraadsvergaderinge en toerusting van kerkraadslede ook by die Bost- en Werda-Kokotsha-wyke aangebied/gehou.

Kwalifikasies:

1. ‘n Eerlike roeping deur die Here om hierdie gemeente en gemeenskappe wat onder armoede gebuk gaan, in buitengewone en uitdagende omstandighede te bedien.
2. Geordende predikant van die Ned Geref Kerk (dienend of emeritus). Aangesien die predikant as vrywilliger sal funksioneer, is dit nie nodig om as leraar van die DRCB bevestig te word nie.
3. Vlot Afrikaans- en Engelssprekend. Setswana-magtigheid sal ‘n pluspunt wees.
4. ‘n Oortuiging van die missionale karakter van die kerk, asook die gestuurdheid van elke individuele gelowige.
5. ‘n Skrifbeskouing in lyn met die Drie Formuliere van Eenheid en nie beïnvloed deur die huidige moderne teologiese strominge in die Ned Geref Kerk nie.
6. Moet gemaklik as deel van ‘n span kan funksioneer, met agting vir die rol wat die kerkraad speel in die leiding van die gemeente.