|
LUX MUNDI GEMEENTE GARSFONTEIN, PRETORIA
(NG KERK)
VAKATURE:
BEDIENINGSKOÖRDINEERDER
PHAROS GEMEENSKAPSENTRUM
POSBESKRYWING
Die persoon is verantwoordelik vir die ontvangs, algemene administrasie, finansies en
ondersteuningsdienste by die sentrum in samewerking met die kantoorhoof/Maatskaplike
Werker, Dagbestuur en Pharosbestuur.
DIE VEREISTES VIR
DIE POS
Persoonlike Vereistes
Die persoon moet:
- 'n Lewende verhouding met die Here hê,
identifiseer met die gemeente se visie en kernwaardes, asook ’n
meelewende lidmaat van die gemeente wees, of as lidmaat by die gemeente
inskakel indien hy/sy nie reeds 'n lidmaat is nie.
- Goeie menseverhoudinge en kommunikasievaardighede, asook die vermoë om in spanverband te kan saamwerk.
- Gemaklik onder druk kan werk.
- Oor goeie administratiewe en organisatoriese vaardighede, asook kreatiewe vermoëns beskik.
- Rekenaarvaardigheid (Word, Powerpoint & Excel) asook vaardig met Sosiale Media (Facebook en Instagram).
- Kwalifikasies: Tersiêre opleiding: verkieslik in Kantoor-administrasie/Sekretarieel.
- Werksondervinding: Moet ten minste drie jaar in
soortgelyke werksomgewing gewerk het – verwysings van vorige
betrekkings sal graag bevestig wil word. (Verskaf referente)
Take
- Verantwoordelik vir ontvangs en alle
administrasie.
- Verantwoordelik vir Finansies rakende invoer
van syfers, kleinkas, inbetalings, opstel van begroting, SARS opgawes
ens. (Pastel-Program).
- Betrokke by die Pharos Projekte soos Kos,
Klere, Matriekafskeid, Skryfbehoeftes, ea.
- Gebruik van Winkerk en bestuur Pharos se
databasis.
Spanwerk
- Die persoon moet goed in spanverband kan
funksioneer en opbouend werk aan die span se waardes en kultuur.
AANSOEKE
VERGOEDING
Vergoedingspakket is op aanvraag beskikbaar.
WERKSURE
- Dit is ’n voldag pos van 40 uur per week met
verpligtinge van 8 tot 10 aand-vergaderings per jaar.
- Amptelike werksure is Maandag tot Donderdag:
08:00 tot 16:30, Vrydag: 08:00 – 13:00.
- Op rotasiebasis saam met die ander
Bedieningskoördineerders diens by die Inligtingstoonbank op Sondae doen.
- Betrokke by dienswerk van die gemeente by
Sondae en ander gemeentelike geleenthede soos gereël.
- Kruisfunksionering in spanverband met sekere
projekte.
SLUITINGSDATUM VIR
AANSOEKE
Vrydag, 4 Augustus 2023
DIENSAANVAARDING
1 September 2023 of so gou moontlik, soos onderling ooreengekom.
NAVRAE
Annalie Taute (012) 993-5906/8 of ataute@pharos.org.za
Elize Botha (Bedryfsbestuurder) (012) 998-8801 of bedryfsbestuurder@luxmundi.org.za
Die Gemeenteraad behou die reg voor om nie ’n aanstelling uit die
aansoeke te maak nie.
|
