|
Biddend afwagtend op aansoeke
vir ‘n VRYWILLIGER
voltydse leraar.
Gemeente:
Die gemeente is geleë in die
heel suidwestelike hoek van Botswana, in die Kgalagadi
semi-woestyn. Die gemeente:
·
Het geografies ‘n deursnee van 480 kilometer;
·
Bestaan uit ongeveer 318 volwasse en 212 dooplidmate, wat verspreid oor
die drie wyke woon;
·
Daar is ‘n kerkgebou by elkeen van die vyf preekpunte:
o
Werda en Kokotsha (B 81, D 48);
o
Tsabong (B 58, D 51);
o
Bokspits en Struizendam (B 179,
D 113).
·
Elke wyk funksioneer met ‘n wykskerkraad, wat gesamentlik die
Kgalagadi-kerkraad vorm. Laasgenoemde vergader minstens
twee (2) keer per jaar;
·
Die Werda-Kokotsha-wyk word tans bedien deur ‘n sendeling-egpaar uit
Reebok, SA;
·
Ongeveer 95% van die lidmate is Afrikaanssprekend, alhoewel eredienste op
Tsabong hoofsaaklik in Engels aangebied word;
·
Is die inisieerder en draer van die vier (4) Vroeë
Kinderontwikkeling-speelgroepe (Struizendam, Bokspits,
Vaalhoek en Rappelspan). Hierdie speelgroepe word bestuur
deur ‘n kommissie van die kerkraad en verteenwoordigers
uit die plaaslike gemeenskappe en geskied in noue
samewerking van die Kgalagadi Distriksraad en ook die
Ministerie van Plaaslike Ontwikkeling;
·
Het ‘n gevestigde bediening onder voor- en laerskoolkinders uit die
gemeenskap van Tsabong, ongeveer 130 in getal. Op Werda is
daar ook ‘n groeiende jeugbediening onder leiding van die
sendeling-egpaar.
Verantwoordelikhede:
1.
Om die DRCB Kgalagadi, in samewerking met die kerkraad, te lei in die
vervulling van die gemeentelike missie:
o
Om God te verheerlik deur:
§
luisterend en doelbewus sy wil in alles te soek;
§
sy Heerskap sigbaar te maak deur individueel en as gemeente sy wil te
gehoorsaam;
§
sigbare onderlinge eenheid en liefdevolle verhoudings as van die aller
grootste belang te beskou;
§
doelbewus ’n verskil te maak in ons konteks, gemeenskap en die wêreld;
§
leiers wat self navolgers van Christus is;
§
ons identiteit, as God se gestuurdes, al meer te verstaan en te leef.
2.
Die vervulling van alle leraarspligte.
3.
Die primêre fokus van die bediening sal op Tsabong gevestig wees.
4.
Minstens drie keer per jaar moet die bediening van sakramente, hou van
wykskerkraadsvergaderinge en toerusting van kerkraadslede
ook by die Bost- en Werda-Kokotsha-wyke aangebied/gehou
word.
Kwalifikasies:
1.
‘n Eerlike roeping deur die Here om hierdie gemeente en gemeenskappe wat
onder armoede gebuk gaan, in buitengewone en uitdagende
omstandighede te bedien.
2.
Geordende predikant van die Ned Geref Kerk (dienend of emeritus).
Aangesien die predikant as vrywilliger sal funksioneer, is
dit nie nodig om as leraar van die DRCB bevestig te word
nie.
3.
Vlot Afrikaans- en Engelssprekend. Setswana-magtigheid sal ‘n pluspunt
wees.
4.
‘n Oortuiging van die missionale karakter van die kerk, asook die
gestuurdheid van elke individuele gelowige.
5.
‘n Skrifbeskouing in lyn met die Drie Formuliere van Eenheid en nie
beïnvloed deur die huidige moderne teologiese strominge in
die Ned Geref Kerk nie.
6.
Moet gemaklik as deel van ‘n span kan funksioneer, met agting vir die rol
wat die kerkraad speel in die leiding van die gemeente.
Vergoeding:
-
Vanweë die finansiële
omstandighede van die gemeente kan GEEN vergoeding
aangebied word nie. Die leraar moet eie finansiële
ondersteuningsbasis hê vir persoonlike, asook
bedieningsbehoeftes;
-
Gratis pastorie word
verskaf (drie-slaapkamer dupleks, 100 vk m in totaal,
derde kamer is afsonderlike buite-eenheid met
badkamer), asook gratis water en elektrisiteit.
Vir meer inligting kontak:
·
Gerald Steenkamp
(+267-73-422-007) – voorsitter van Tsabong-kerkraad
·
Kosie Steenkamp
(+267-73-588-234) – voorsitter van Kgalagadi-kerkraad
·
Wilhemina Phiri
(+267-72-733-416) – skriba van Tsabong-kerkraad
·
Ds TC du Toit (+27-79-511-4811
/ +267-72-879-653) – vorige vrywillige leraar
·
Epos:
tcdutoit@icloud.com
Aansoeke sluit: 30 Junie 2021
LET WEL:
Aanstelling sal afhanklik wees van verkryging van
verblyfspermit in Botswana.
|
